Talaash!

Meri nazar se chupa kaha tu

Hai mujhme shaamil tu hu-ba-hu

Tamaam raahein badal ke dekho

Wohi hai haazir tu roo-ba-roo

Unhi ki yaadein nazm hai meri

Wohi tassavuur, ghubaar wo

Wohi muqaddar ka rehnuma hai

Wohi masihaan/marassim, mazaar wo

Meri kashish se juda kaha tu

Har aas mein teri just-a-joo

Hai muqtasarr sa safar hamara

Phir hai umar bhar ka intezaar

Ke baat bhar ko nazar mile the

Kaha babasta phir wo khumaar

Hazaar karwat badal ke chaha

Nahi bujhi dil ki aarzoo

Ya barf ki silwaton ka mausam

Ya ret par sulagti si main

Teri hi baarish ki aas mein hoon

Teri tapish ke hi aas mein

Tamaam soorat badal ke dekhi

Hoon teri jaanib, tu char-suu

Dil aashna hai junoon mein teri

Rawa madhoshi mein bifikar

Nahi pashemaan, ke raqs mein tu

Kabhi ho haasil, main mumtazar

Hazaar sajde tadap rahe hai

Tera talabgaar ye sukoon!