Rihayee!!!

Naa Samajon se... naa riwajon se....
Naa sawalon se... naa jawabon se...
Kaha hai rihayee, Kaha hai rihayee!
In sab zarrori gunah gaaron se


Ek ankh bhar assoo hai... ke chalakte hi nahi
Ek saans bhar ke aah hai... ke nikalte hi nahi
Kaha dhoodhu zindagi, main tujhse fursat...
Ke apne bare me bhi, soch loon kabhi....

Naa sujhawon se...na rujhawon se...
Naa muholle se...nahi kunbe(means family)/ malaalo se...
Kaha hai rihayee, Kaha hai rihayee!
In kareebi jaan-nisaaro se


Ke jee mein aaya ek din tum sab ko chod dungi main
Kuch hausla kiya, dum bhar ke shiddat..  buniyaade tod dungi main
Kyu chupu surat ke peeche... ye daayeren hai aur ke
Kyu sunu duniya ki main... ye kaayaden hai aur ke

Par Naa zehen se...naa wehem se...
Naa badi se...naa sharam se...
Kaha hai rihayee, Kaha hai rihayee!
In mufat ke mehmaano se

Lakh Samjhaya dil ko...jo kho gaya wo gair tha
Baat ko afsaana mat Kar....jo Mila hai uski khair kar
Par Mehfilo mein tanhaa karde.. kuch aisi khamoshi cha aayi
Baharon ko begaane Karde...kuch aisi mayoosi bhar aayi

Naa aap se...naa ajnabi se..
Naa dard se...na tishnagi se
Kaha hai rihayee, Kaha hai rihayee!
Inn ujde hue gulzaaro se

Naa rutbe se.. na justaju se...
Naa hosh se...naa deewangi se...
Naa soch se...naa awaargi se...
Kaha hai rihayee, Kaha hai rihayee!

In zaroori gunah garon se...